![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Janë bërë publike dy kandidaturat e PD të përfaqësuar nga Enkelejd Alibeaj për zgjedhjet e 14 majit.
Mësohet se Klomentina Drini është kandidatja që do të përfaqësojë PD për Vaun e Dejës ndërsa emri i dytë për Patosin kandidate është shpallur mësuesja Pranvera Rizai.
Kush janë dy kandidaturat e PD që Alibeaj ka zgjedhur si kandidate?
Klomentina Drini ka lindur dhe jeton së bashku me bashkëshortin dhe vajzën në Vaun e Dejës. Drini ka përfunduar studimet e larta në degën e informatikës ndërsa ka marrë titullin master profesionale për degën administrim biznes. Gjatë viteve të fundit zonja Drini ka qenë ne pozicione të larta drejtimi në fushën e administrimit në biznese private por dhe në administratën lokale.
Ndërsa Pranvera Rizai prej vitesh mban postin e kryetares së LDG të Patosit. Pranvera Rizai është anëtare themeluese e degës së PD në Patos dhe njihet për kontributin e saj edhe si anëtare e këshillit bashkiak. Ajo ka përfunduar studimet në degën e mësuesisë dhe ato pasuniversitare për Menaxhim Arsimi në UT. Prej shumë vitesh zonja Rizai ushtron profesionin e mësueses dhe së fundmi si mësuese pranë shkollës “Meleq Gosnishti”, Patos. Ajo është e martuar dhe nënë e dy djemve, thuhet në njoftim e shpërndarë për mediat.